Сургалтын орчин
Материал судлалын лабораторийн танилцуулга
Металлын химийн найрлага болон ган ба ширэмний бүтцийн шинжилгээ хийх, механик шинж чанарыг тодорхойлох зорилгоор байгуулагдсан. Төрөл бүрийн металлын химийн найрлага, хатуулаг, механик шинж чанарыг тодорхойлох, металл болон металл биш материалын сунгалт, шахалтаар турших төхөөрөмжтэй.
Лабораторид хийх туршилт, шинжилгээ
- Металл ба хайлшийн химийн найрлагыг шинжлэх;
- Хайлшийн макро болон микро бүтцийг тодорхойлох;
- Ган ба ширэмний механик шинж чанарыг судлах, тодорхойлох;
- Металл биш материалын механик шинж чанарын шинжилгээ хийх;
Трибологи Лабораторийн танилцуулга
Үрэлт, элэгдэл, тос, тосолгооны материалын трибологийн судалгаа хийх эрдэм шинжилгээний лаборатори, Дөрвөн үрэлт бүхий трибологийн туршилтын машин болон тосолгооны материалын тослох шинжийг судлах төхөөрөмжөөр тоноглогдсон орчин үеийн шаардлагыг хангасан лаборатори.
Лабораторид хийх туршилт, шинжилгээ
- Тослох материалын шинж чанарыг судлах;
- Металл, металл биш материалын үрэлт, элэгдлийн процессыг судлах,
- Материалын үрэлтийн коэффициентыг тогтоох;
Мехатранок Лабораторийн танилцуулга
Үйлдвэрлэлийн шугамын боловсруулалт, хувиарлалт, шилжүүлэлт, сорилт болон хянан шалгах, өнгөөр ялгах үйлдлийг автоматаар гүйцэтгэхэд чиглэсэн үйл ажиллагаа явуулдаг тоног төхөөрөмжөөс бүрдсэн сургалт явуулах боломжтой.
Лабораторид хийх туршилт, шинжилгээ
- Машин үйлдвэрлэлийн технологийн шугамын мөчлөг, харилцан уялдааг судлах;
- Үйлдвэрлэлийн автомат мэдрүүрийн үйл ажиллагааг судлах;
- хаалаг систем бүхий төхөөрөмж, роботын загвар, хийцийг боловсруулах турших
ICP (Inductive coupling plasma) лабораторийн танилцуулга
Сорьцын химийн элементийн агуулгыг тодорхойлоход ашигладаг индукцийн холбоост плазмын атомын цацаргалтын спектрометр “Плазма-1000” нь өндөр технологийн төхөөрөмж юм. Энэ төхөөрөмж нь геологи, металлурги, орчны шинжилгээ, эм, эрүүл мэнд, биотехнологи, усан онгоц, газрын тос, химийн шинэ материал, хөдөө аж ахуй зэрэг салбарын бүтээгдэхүүнд хяналт, үнэлгээ хийхэд өргөнөөр ашигладаг.
Лабораторид хийх туршилт, шинжилгээ
- Хатуу, шингэн төлөвт байгаа сорьцын химийн найрлагыг тодорхойлно.
- 70 гаруй химийн элементийг тодорхойлох боломжтой
Гагнуур лабораторийн танилцуулга
Тус лаборатори нь профессор Л.Чулуунбатын санаачлагаар 2017 онд ШУТ-ийн санхүүжилтээр байгуулагдсан. Металлыг хайлуулан гагнах төрөл бүрийн дулаан үүсгүүр болох ацетилен- хүчилтөрөгчийн дөл, цахилгаан нум, электроны урсгалыг гаргах орчин үеийн багаж төхөөрөмжтэй. Нэг цагт 15-20 оюутан зэрэг үйлчлэх багтаамжтай цахилгаан нуман гагнуур, цэгэн гагнуур, хагас автомат, плазм зүсэлтын зэрэг ажлын байр бүхий кабин тасалгаатай.
Лабораторид хийх туршилт, шинжилгээ
- Гагнуурын дулааны нөлөөллийн бүсийг тодорхойлох
- Оёдлын гэмтэл, согогийг тогтоох.
- Төрөл бүрийн гагнаасны чанарыг тодорхойлох
Суурь машины лаборатори лабораторийн танилцуулга
Металл болон метал биш материалын механик боловсруулалтыг мэргэжлийн дагуу чанартай хийх, материалыг боловсруулах зорилгоор байгуулагдсан. Төрөл бүрийн материалын зоролтын горимын элементүүдийг тодорхойлох. Металл болон метал биш материалыг боловсруулах токарь, фрезер, босоо өрөмийн болон өнгөлгөөний суурь машин, тоног төхөөрөмжүүдтэй.
Лабораторид хийх туршилт, шинжилгээ
- Зоролтын горимын элементийг тодорхойлох
- Боловсруулсан гадаргуун цэвэршилтэд нөлөөлөх хүчин зүйлийн шинжилгээ
- Бүлэг боловсруулах үеийн технологийн нарийвчлалыг толорхойлох
- 3D төхөрөөмжийн боловсруулалтын горимыг тодорхойлох